Добредојде за Пријателот Бојко

Во Чест и слава на Бојко Борисов претседател на владата на Р.Бугарија и мој драг јуначки другар.

Договорот помеѓу Македонија и Бугарија е од заеднички интерес и на двете земји, тој ќе овозможи политичка стабилност, соживот и соработка помеѓу граѓаните, но и на економски план, порачаа македонскиот и бугарскиот премиер, Зоран Заев и Бојко Борисов по потпишување на Договорот за пријателство, добрососедство и соработка меѓу Македонија и Бугарија, денеска во Скопје.

- Затворивме прашање со кое го трасиравме патот на пријателството и добрососедството. Договорот е заемен интерес за политичка стабилност во регионот. Владата на Република Македонија се определи да води политики на решенија, а не политика на проблеми. Видовме конструктивен партнер во владата на Бугарија. Оваа соработка ќе помогне за унапредување на патната и гасната инфраструктура, ќе ја зголеми размената на стоки, ќе обезбеди царински и гранични олеснувања – изјави Заев.

Според него, договорот е порака до Европската Унија (ЕУ) дека земјите од регионот имаат политички раководства кои градат мостови и порача дека и Македонија и целиот Балкан ги заслужуваат евроатланските перспективи.

Во иста насока беа пораките и на неговиот бугарски колега.

Договорот можеше и да не се потпише, со години не беше потпишан, но се потпиша и е од исклучително значење, рече Борисов, додавајќи дека очекува позитивна реакција и поздравување на ваквиот чекор и од страна на ЕУ.

- Не знам дали е за првпат, но меѓу две држави без модератори и посредници стигнавме до тоа дека дружбата и добрососедството е најважно од сè. Тоа ќе не направи силни, независни и значајни. Не за џабе рекле, ако гледаш назад ќе се сопнеш и ќе паднеш. Затоа решивме да гледаме напред. Убеден сум дека за десет години резултатите ќе бидат видливи – изјави Борисов.

Тој истакна и оти покрај договорот битни се и двата меморандуми за соработка кои се однесуваат на железничкото поврзување меѓу двете земји односно на Коридорот 8 и за соработка во областа на гасот која ќе овозможи Македонија да купува гас од Европската Унија, а Бугарија да го транспортира.

И двајцата премиери посочија дека за овој договор важен придонес има и претходната влада во Македонија со која раководеше Никола Груевски. Борисов истакна оти бил постигнат напредок и додека соработувал со него и стигнале до пред потпишување на договорот.
Критиките, порача бугарскиот премиер, ги има и во Македонија и во Бугарија, но тоа е демократијата. Кажа, биле критикувани дека можат да бидат „потврди“ во односите со Македонија како земја која сака да влезе во НАТО и ЕУ, но тоа не е пријателство.

За утрешното присуство на бугарската делегација за време на прославата на Илинден, одговарајќи на новинарско прашање, Борисов рече оти историјата покажала дека на Балканот досега многупати се тепале народите и се војувало, но сега се „стремиме кон тоа да го достигнеме нивото на западноевропските земји“.

- Извинете што си го празнуваме и ние празникот – прокоментира Борисов.

Попладнево државната делегација на Бугарија ќе се сретне и со претседателот на Собранието, Талат Џафери и со претседателот Ѓорге Иванов.

Утре, пак, предвидено е заедничко чествување по повод националниот празник Илинден во црквата Свети Спас во Скопје. Таму, обраќање треба да има Заев, а потоа двете делегации ќе положат цвеќе на гробот на Гоце Делчев

DEN 2

Да го поминеме минатото и сегашноста заради идината на Македонија, порача претседателот на македонската Влада Зоран Заев пред денешното заедничко поклонение со бугарскиот премиер Бојко Борисов на гробот на Гоце Делчев во црквата Свети Спас во Скопје.

Очекуваме секој да се вгради себеси во процесите кои испишуваат нова историја за Република Македонија, истакна премиерот Заев и повика на заедништво.

- На 114 години од Илинден и 73 годишнината од Првото заседание на АСНОМ изразувам одлучна верба за јасна иднина. Има светла иднина за нашата Република Македонија и има иднина за секого во оваа наша убава земја. Историјата и минатото ги ставивме да бидат цврсти темели на коишто почнавме да ја градиме европската и евроатлантската иднинана РМ која што води до квалитетен живот. Го послушавме Делчев кој ни рече да не се губи времето. Се здруживме и ги подадовме рацеме помеѓу нас и создадовме пат кон развојот. За развојот се потребни доброволно подадени раце на граѓани и народи кои се потпираат и поддржуваат и така заеднички чекорат стабилно напред, рче Заев.

Тој упати апел за максимална одговороност и сериозност на сите граѓани и институции и истакна дека ова е време кога правиме исчекор. Се повика на Манифестот од АСНОМ. – Каква Македонија ќе изградиме, таква и ќе имаме, рече Заев. Македоија, додаде, даде пример како да се исчекори.

- Подадовме рака и раце се испружија кон нас. Бугарија ја покажа истата одговорност за заедничките цели, истакна премиерот Заев.

Тој додаде дека регионот почна да се однесува европски и затоа заслужува шанса што членките на ЕУ и на НАТО го препознаа во Трст, а истото го очекува денеска во Подгорица од потпретседателот на САД, Мајк Пенс. Заев подвлече дека Македонија пружа раце и кон другите соседи. Тој повторно се осврна на Илинден нагласувајќи дека треба да ја послушаме пораката на Делчев да не се губи време.

– Затоа се здруживме заедно за да направиме чекор напред, бидејќи на Македонија и треба стабилност и развој. Борците од Илинден и од АСНОМ се нашиот завет, Македонија да ја чуваме и градиме заедно. Тој збор заедно е гаранција за иднината, нагласи премиерот Заев.

Тој повтори дека треба да покажеме одговорност кон себе и кон регионот за сите да одиме кон демократскиот свет.

По обраќањето на кое присуствуваа членови на владите и на парламентите на двете земји, претставници на политички партии и на дипломатскиот кор, двајцата премери Заев и Борисов положија цвеќе и се поклонија пред гроботна Гоце Делчев.

Со денешната церемонија на гробот на Гоце Делчев заврши дводневната посета на бугарскиот премиер Борисов на Македонија во чии рамки беше потпишан Договорот за пријателство, добрососедство и соработка.

Американскиот Стејт департмент го поздрави потпишувањето на Договорот за пријателство, добрососедство и соработка меѓу Македонија и Бугарија, оценувајќи го како пример за мирно решавање на проблемите меѓу соседите.

– Соединетите Држави им честитаат на Бугарија и на Македонија за потпишувањето на Договорот за пријателство, добрососедство и соработка. Овој важен, перспективен договор ги признава веќе воспоставените силни врски меѓу двете земји и ја отвора вратата за уште поблиска соработка во различни области како инфраструктурата и културата. Потпишувањето на овој Договор ќе придонесе за политичка стабилност и економски развој во поширокиот регион и нуди охрабрувачки пример за тоа како разликите меѓу соседите може да се решат мирно, се наведува во соопштението од Стејт департментот на САД. 

ЕУ Могерини 

 Овој договор ја покажува одлучноста на двете страни за надминување на билатералните прашања и претставува инспирација за целиот регион. Тој е позитивен чекор напред во добрососедските односи и ја зацврстува ЕУ перспективата на поранешната југословенска Република Македонија во интерес на нејзините граѓани, стои во заедничката изјава на Хан и Могерини.

ГЕРМАНИЈА 

Денес Бугарија и поранешната југословенска Република Македонија потпишаа историски договор за добрососедство во Скопје. Го поздравувам многу тоа што по многу години безуспешни преговори се најде консензуално решение на отворените прашања.

Со тоа двете држави испраќаат важен сигнал за успешна билатерална, но и регионална соработка на Балканот и за натамошната евро-атлантска интеграција на пјР Македонија.

Вреди да се напомене дека ова потпишување успеа да се спроведе за помалку од два месеци од инаугурацијата на новата македонска Влада.

Убеден сум дека новата Влада во Скопје ќе продолжи да го спроведува овој вид на конструктивна соработка консеквентно со сите соседи. Исто така ги поздравувам напорите на новата Влада, по долгогодишна стагнација сега конечно да започне со итно потребните реформи за приближување кон ЕУ“, стои во изјавата на Габриел.